Albistea entzun

Onenen arteko saria nahi dute

Alberdik, Larrañagak, Vicentek eta Rodriguezek jokatuko dute bihar Urrezko Aizkorako txapela
<b>Iker Vicente eta Julen Alberdi <em>Txikia IV.a</em>, abuztuan Donostian jokatutako Urrezko Kopan.</b>
Iker Vicente eta Julen Alberdi Txikia IV.a, abuztuan Donostian jokatutako Urrezko Kopan. JON URBE / FOKU Tamaina handiagoan ikusi

Jon Ander De la Hoz -

2022ko urriak 8

Urte osoan jokatu ohi dira Egur Sporten txapelketak. Lehia pribatuak dira, baina badute sona herri kiroletan; izan aizkoran, harri jasotzen, edo txingetan. Esaterako, enpresa horrek antolatzen ditu Urrezko Aizkolarien lehiak. Haren jiran bildu ohi dira aizkolaririk onentsuenak, udaz kanpoko aldiari aurre egiteko. Haien abaroan jokatutako txapelketak molde ezberdinetakoak izan ohi dira. Haien artean da Txapeldunen Liga.

Izenak badu izana, eta hori agerikoa da finaleko parte hartzaileen zerrendari erreparatuta. Iker Vicente, Mikel Larrañaga eta Julen Alberdi Txikia IV.a ohikoak dira halako lehiatan. Suharri Rodriguez Paolla da aurtengo berritasuna; gainera, zuzenean egin du finalerako jauzia, ligaxkan nagusituta.

Bihar erabakiko dute Txapeldunen Ligako irabazlea, Pobesen (Araba), 12:00etan (ETB1). Lan mardulak egingo dituzte lau aizkolariek: hamabi enbor ebakiko dituzte, sei eratara banatuta. 45 ontzako enborrekin ekingo diete lanari, hiru eratan moztuta: kolpetara, zutik, eta erlojuaren aurka. 65 ontzakoa ebakiko dute gero, eta, horren ostean, 45eko eta kana-erdiko bana —54 ontzakoa egurra da—, era mistoan.

Lanerdira ariko dira gero, eta horrek erabakiko du lehia. Izan ere, bi kana-erdiko, bi 60 ontzako eta bi 65eko moztuko dituzte lehia amaitzeko. Lanak azkarren egiten dituena izango da txapeldun. Bihar ariko diren aizkolari guztiek irabazi dute gutxienez Urrezko Aizkorako txapel bat.

Txapeldunen Ligako finalaz gain, bi erakustaldik osatuko dute jaialdia. Harri jasotzean, Lucia Orbe, Patricia Martin, Xabier Aranburu Guzta eta Jon Unanue Goenatxo III.a ariko dira; eta aizkoran, Maika Ariztegi eta Claudia Muñoz.

Federazioko lehiak jokoan

Pobesekoaz gain, aizkorako eta harri jasotzeko beste zenbait ekitaldi egingo dituzte bihar. Federazioak antolatutako txapelketak izango dira haietako batzuk. Aian (Gipuzkoa) banatuko dituzte emakumezkoen aizkorako eta harri jasotzeko txapelak, eta baita gizonezkoen lokotx biltzekoak ere. Aizkoran, Nerea Arruti, Irati Astondoa eta Laiene Pikabea ariko dira lehian. Lau enbor ebaki beharko dituzte: bi 36 ontzako, eta bi 45eko.

Parte hartzea are handiagoa izango da harri jasotzean. Diziplina horrek emakumezkoen artean bizi duen loraldiaren adibide izango da Aiako txapelketa. Sei lagunek hartuko dute parte, probalekuan egingo den txapelketan: Lur Errekondok, Lierni Osak, Udane Ostolazak, Aroa Sanchezek, Ane Zinkunegik eta Ainitze Zumetak. 62 kilo eta erdiko zilindro zaharra, kubikoa eta bola jaso beharko dute guztiek, bakoitza hiruna minutuko txandatan. Jasoaldi gehien egiten dituen kirolariarentzat izango da txapela.

Bost lagunek hartuko dute parte gizonezkoen lokotx bilketa txapelketan. Maila handia dago Gipuzkoan, eta lehia estua espero da. Jon Larrañaga eta Gotzon Iruretagoiena —izetatarra da hura— dira hautagai nagusiak; haiekin batera ariko dira Iraitz Ferreira, Uxer Mozo eta Mikel Osoro.

Araban ere federazioaren txapelketak egingo dituzte bihar. Gizonezkoen bigarren mailako aizkorakoaz gain, emakumeen txinga eroatekoa egingo dute (12:00).

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donato Larretxea, entrenatzeko bere tokian ©Ainhoa Larretxea

Herritarren beroa jasoko du

Ainhoa Larretxea - Nafarroako Hitza

Donato Larretxea aizkolariari omenaldia eginen diote gaur Arantzan (Nafarroa), haren sorterrian. 12:00etan herri kirol saio bat eginen dute, eta, gero, herri bazkaria izanen dute frontoian.

Luis Suarez, Uruguaiko aurrelaria, negarrez, Munduko Kopatik kanporatua izan ostean. ©ALBERTO ESTEVEZ / EFE

Oraingoan erre egin da

Ainara Arratibel Gascon

Uruguai kanpoan geratu da, eta Hego Korea sailkatu da H multzoan. Brasil eta Suitza dira G multzoko sailkatuak
Brasilgo jokalariak, multzoen faseko bigarren jardunaldian Suitzari sartutako gola ospatzen. ©ALBERTO ESTEVE / EFE

Zerrenda ez da asko aldatu

Iñaki Berastegi

Munduko Kopa irabazteko hautagai gehienek egin dute aurrera multzoen fasean. Alemania eta Belgika izan dira dezepziorik handienak: ez dira iritsi kanporaketetara.
Dohako Al-Thumama estadioa. Munduko Futbol Txapelketarako eraiki diren zazpi estadioetako bat da. ©EFE

Zuriketa berdearen adibide

Gorka Berasategi Otamendi

Qatarrek ziurtatu du aurtengo Munduko Futbol Txapelketa karbonoan neutroa izango dela, baina, Carbon Market Watchen txosten batek salatu duenez, baieztapen hori okerra eta nahasgarria da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...