Aizkolari handienen pare jarri da Floren Nazabal

Etxarri Aranazkoak nagusitasunez irabazi zuen maila nagusiko seigarren txapela herenegun, Arbizun

Sei aizkolariak, finala amaituta. Erdian da Nazabal, txapelarekin. I. Z. / ARP.
Erredakzioa
Donostia
2012ko azaroaren 20a
00:00
Entzun
Faborito nagusia zen, eta ez zuen huts egin. Floren Nazabalek irabazi zuen herenegun Arbizun (Nafarroa), maila nagusiko Euskadiko Aizkora Txapelketako finala. Etxarri-Aranazko (Nafarroa) aizkolariak nagusitasunez eskuratu zuen txapela, eta oso atzean utzi zituen harekin batera finalean aritutako beste bost aizkolariak. Nazabalen denbora 39.13 izan zen. Hark baino minutu eta erdi pasatxo gehiago behar izan zuen Joxemari Olasagastik lana amaitzeko (40.47). Handia izan zen Igeldokoaren eta hirugarren sailkatuaren arteko aldea ere, Iñaki Azurmendik, iazko txapeldunak, 42.10eko marka egin baitzuen.

Igandean jantzitakoarekin maila nagusiko seigarren txapela du Nazabalek. Beraz, berdindu egin du Anjel Arrospideren eta Olasagastiren marka. Etxarri-Aranazkoak ziurrenik txiki utziko du bi aizkolari handi horien marka, 43 urterekin oraindik denbora batez lehiatzeko indarra eta sasoia baitu. Herenegun erakutsi zuen indartsuena izanda.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.