Albistea entzun

ARDOXKA

Ossian

Roberto Sarriugarte -

2018ko ekainak 2

Ez naiz ni oso verdejo zalea, badiren arren lauzpabost upategi bikain mahats honekin modu ezin dotoreagoan lan egiten dutenak. Gaur upategi horietako bat ekarri dizuet hona, seguruenik bikainena eta nabarmenetakoa: Ossian.

Rueda sor-markak Espainiako hiru probintziatan babesten ditu ardoak, Gaztela eta Leongo Valladoliden, Avilan eta Segovian, hain zuzen ere. Mahasti zein upategi gehienak Valladoliden badaude ere, Ossian Segoviako lurretan dago kokatuta, Nievan, hain zuzen ere. Ossianen ardo konplexuak egiten dituzte, urte batzuetan ondo zahartzen direnak.

Baina Ossianek egiten dituen ardo guztiak ez dira Rueda sor-markapean ateratzen merkatura, kokapen geografikoari begiratuz hori pentsa daitekeen arren. Hasieratik izan zuten argi ez zutela inongo sor-markak ezartzen dituen arauen zurruntasunez jokatu nahi, malgu eta aske baizik: horregatik, batzuk sor-markapean merkaturatzen dituzte, eta beste batzuk, V.T. de Castilla y León kontraetiketarekin.

Javier Zaccagninik eta Ismael Gonzalok proiektua 2005ean abiatu zutenean, argi zituzten helburuak: verdejo mahatsez egindako ardorik bikainenak egitea eta Espainiako verdejorik onena egitea. Eta, nire ustez, lortu dute.

Gaur egun, Pago de Carraovejas upategiko jabekideak diren Ruiz Aragoneses familiaren esku dago Ossian upategia. Ossian proiektuak filoxera aurreko mahasti bikain bezain bakanetan du oinarria —ehun eta berrehun urte bitarteko mahastiak—. Nieva, Aldehuela, Aldeanueva del Codona eta Santiuste de San Juan Bautista herrietan daude sakabanatuta, Cordel de las Merinas moduan ezagutzen den parajean, garai batean abelbidea izan baitzen.

Inguru hauetako lurzoruak oso konplexuak dira, batzuk arbelezkoak, beste batzuk buztinezkoak eta errekarriz osatutakoak beste zenbait. Baina franko-hareatsuak dira erreferentzia nagusia, ezaugarri horrengatik filoxerak ezin izan baitzuen aurrera egin. Horregatik esan daiteke, inongo zalantzarik gabe, iberiar penintsulako filoxera-aurreko mahasti kontzentrazio ugariena inguru hauetan dagoela.

Quinta Luna, Ossian, Capitel, Verdling Trocken eta Verdling Dulce dira egun egiten dituzten ardoak. Quinta Luna ez da upelean ontzen; Verdlingak ere ez, baina bai Ossian eta Capitel. Ardo guztiak ekologikoak dira, eta zertifikazio ofiziala daramate.

Lehen hirurak ezagutzen ditut ondo, eta, hirurak bikainak badira ere, Capitel nabarmenduko nuke, daukan sakontasun eta dotoreziagatik. Azken urteetako uztaldietan, gainera, egurraren presentzia ez da hain nabarmena, eta fruta finago eta nabarmenago ageri da. Bikaina.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Endika Barrenetxea, Iñaki Ozkarizi zesta nola jarri erakusten, atzo, Galarretan. ©JON URBE / FOKU

«Zesta bat emango dizut»

Enekoitz Telleria Sarriegi

Galarretako erremonte eskolak ostiralero irekitzen ditu ateak modalitatea ezagutu eta lehen urratsak egin nahi dituztenentzat. Bi ikasle izan zituen atzo Endika Barrenetxeak.
1 ©ITSASO VELEZ DEL BURGO / EZEZAGUNA

Ezkutuko ehizari aurre egiteko

Ane Insausti Barandiaran

Pertsonen, armen eta drogen trafikoaren ondoren, urtero diru gehien mugitzen duen legez kanpoko jarduera da ezkutuko ehiza. Roberto Fraile eta David Beriain kazetariak horri buruzko dokumental bat egiten ari zirela hil zituzten.
 ©ANDONI CANELLADA / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.