Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Lehen Mailako futbolariek ez dute baztertu grebara jotzea

Ligaren profesionalizazioa «blokeatuta» dagoela salatu dute. AFE sindikatuaren eta Kluben Elkartearen babesa dute jokalariek
Eibarreko eta Alaveseko jokalariak lehian, igandeko derbian.
Eibarreko eta Alaveseko jokalariak lehian, igandeko derbian. J. FONTANEDA / FOKU Tamaina handiagoan ikusi

Ainara Arratibel Gascon -

2021eko azaroak 17

«Ez genuke horretaraino iritsi nahi, baina nekatuta gaude zain egoteaz. Hiru hilabete daramatzagu egoera honetan. Behin eta berriz esaten digute egingo dutela, baina ez da hala». Espainiako Lehen Mailako futbolariek ez dute baztertzen grebara jotzea, liga profesionalizatzeko prozesuak «blokeatuta» segitzen badu. Hala iragarri zuten atzo. «Ez ditugu errudunak topatu nahi, baizik eta konponbideak nahi ditugu. Izan ere, egoeraren biktima bakarrak gu gara».

AFE futbolarien sindikatuen egoitzan egindako bilera eta gero eman zuten beren asmoen berri, atzo. Iragan astean futbolariek komunikatu bat atera zuten egoera salatuz; asteburuan, berriz, 30 segundoko etena egin zuten partida guztietan. Hurrengo urratsa litzateke greba egitea.

Espainiako Kirol Kontseilu Nagusiak ekainean onartu zuen ligaren profesionalizazioa. Egun, hiruk dute izendapen hori: gizonezkoen Lehen eta Bigarren Mailak, eta ACB ligak. Behin lan hitzarmena onartu eta gero, hurrengo urratsa zen. Hala, profesionalizazio prozesuak hasita behar zuen: estatutuak idatziz eta presidente bat eta presidenteorde bat izendatuz. Beste hainbat gai korapilatsu ere zehaztu behar ziren: besteak beste, telebista eskubideen kudeaketa. Hori da traba nagusietako bat. Izan ere, akordio falta horren ondorioz, partida gutxi batzuk baino ez dituzte ematen telebistaren edo klubetako Youtubeko kanalen bidez. Kirol Kontseiluak kudeaketa plataforma independente baten bidez egitea nahi du. Horrekin batera, erabakitzeko dago klubek zenbat diru jarri behar duten liga horretan sartzeko, eta klub txikienek zenbateko laguntzak jasoko lituzketen.

Liga profesionala izatea beste urrats bat litzateke, eta indartu egingo lituzke lan hitzarmenean jasotzen diren eskubideak. Gainera, txapelketari berari beste estatus bat emango litzaioke.

AFE sindikatuaren babesa ez ezik, Kluben Elkartearen babesa ere badute futbolariek. Elkarte horretako kide diren kluben artean akordioa izan zen estatutuen inguruan. Hortik kanpo daude Athletic, Bartzelona, Real Madril eta Atletico Madril: «Prest gaude haien planteamenduak ere testuan sartzeko, horrek egoera desblokeatzeko balio badu».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©RAUL BOGAJO / FOKU

«Betidanik lehenetsi dut Euskal Herrian jokatzea»

Iñaki Berastegi

Brust sasoia amaitu arte ariko da Eibarren, eta uste du «talde bezala» gehiago jokatuz gero badutela aukerarik oraindik ligan. Sant Cugaten zelaian ariko dira gaur (12.00).
2018ko Masters torneoko finaleko partida, Nafarroa Arenako pilotalekua jendez lepo beteta dela, Iruñean. ©IÑIGO URIZ / FOKU

2022ko buruz buruko finala Nafarroa Arenan jokatuko da

Mikel O. Iribar

Maiatzaren 29an izango da partida, 3.000 eserlekuko pilotalekuan. Masters torneoko bi finalerdiak eta finala ere bertan jokatuko dira

Victor Laguardia Alaveseko kapitaina, Sevillaren aurka sartutako gola ospatzen, Sanchez Pizjuanen. ©JOSE MANUEL VIDAL / EFE

Denbora kontua izan da

Eñaut Agirrebengoa

Itxaroten jakin duelako arnasberritu da Alaves, Javi Cabello teknikari laguntzaile ohiaren aburuz. Arabarrek Celta hartuko dute gaur (14:00).

 ©Iñaki Etxeleku - Iparraldeko Hitza

«Goi mailako mutiko taldea bagina, bilatuko zituzten aterabideak»

Iñaki Etxeleku - Iparraldeko Hitza

Baionako ASBko Elite 1 mailako emazte taldeak greba egin zuen duela hiru aste, baliabide falta eta osasunerako arriskua salatzeko. Lespiellek ez du galdu Lapurdin eliteko talde baten ukaiteko itxaropena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.