Albistea entzun

Txirrindularitza. Frantziako Tourra

Poliziak euskal festa bertan behera uztera behartu du Esait

Tamaina handiagoan ikusi

Erredakzioa -

2014ko uztailak 23

ESAIT Euskal Selekzioen aldeko Iritzi taldeak antolaturiko euskal festa bertan behera gelditu zen atzo, Frantziako Poliziak Saint Laryn jarritako karpa desmuntatzera behartu zuelako. Iritzi taldeak onartzen du euren gunea eta taberna nolabaiteko hutsune legal batean muntatua izan dela, baina 14 urtetan Poliziak halako neurri bat hartzen duen lehen aldia da. Halere, ez dute inolako trabarik izango gaurko antolatua zuten bizikleta martxa egiteko.

ESAITek euskal festa atzoko arratsaldeko zortziak arte iraun zuen, baina gauerako antolaturiko ekitaldiak bertan behera gelditu ziren. Poliziek ondo ezagutzen dute euskal festa nola garatzen den, eta ingurunea errespetatzen duela, baina ez zuten baimendu. Esaiteko kideei karpa eta bestelakoak bildu beste erremediorik ez zitzaien gelditu. Honen ondoren Pirinioetara itzuli edo ez hausnartu beharko dute.

Festa ez, baina martxa bai. Frantziako Poliziak ez baitio trabarik jarri Esaitek gaurko antolatua duen bizikleta irteerari. Urtero legez euskal selekzioen ofizialtasuna aldarrikatuko dute maldan gora. Halere, baliteke ez elkartzea aurrekoetan adina parte hartzaile, aurten beste urte batzuetan baina euskal zale gutxiago bildu direla iruditu zaielako. Nonbait nabaritu da Euskaltelen hutsunea.

Gaur, motza eta gogorra

Gaurko etapak 124 kilometro pasa izango ditu, eta txirrindulariek lau mendate gainditu beharko dituzte: lehen mailako hiru eta maila bereziko bat. Tourreko motzenetakoa izango da, baina gogorrenetakoa ere bai. Saint-Gaudensetik abiatuko dira txirrindulariak, eta Saint-Laryra bitarte izango dute nahiko lan. Lehen 48 kilometroak ordekan egingo dituzte, eta ondoren hasiko dira mendateak. Lehenik, Portillon igoko dute; ondoren, Col de Peyresourde; gero, Col de Val Louron-Azet, eta azkenik, Saint-Lary. Mendate bat jaitsi orduko beste bat igotzen hastea tokatuko zaie ziklistei, eta horrek hanketako mina eragingo du. Hortaz, ikusi egin beharko da nor dagoen pedal kolpe onenarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Wold Tourra begiz jota, Laboral Kutxa taldearen egonaldia

Erronkaren tamainara hazi

Iñaki Berastegi

Alteako egonaldiarekin amaitu du Laboral Kutxa taldeak 2023ko denboraldirako prestaketa fasea. Zaila bada ere, helburua, 2024an World Tour mailan tokia egitea da. Hala ere, txirrindulariek azpimarratu dute erronka hori ezin dela «obsesio» izan. Ilusioa izan dute lanerako akuilu nagusi.

Laboral Kutxako txirrindulariak entrenatzen, iragan astean, Altean. ©MARKEL BAZANBIDE

Prestakuntzari azken ukituak emanez

Iñaki Berastegi

Lan kargaren arabera, txirrindulariak bi multzotan banatu dituzte entrenamenduan Laboral Kutxako teknikariek. Talde lana hobetzea eta prestaketa fisikoa fintzea izan dira lan saioaren helburu nagusiak.

Oscar de Marcos eta Moi Gomez, lehian Athleticek eta Osasunak San Mamesen jokatutako derbian. ©ARITZ LOIOLA / FOKU

Euskal talde bat Kopako finalean arituko da

Beñat Mujika Telleria

Osasunak eta Athleticek elkarren aurka jokatuko dituzte Espainiako Kopako finalerdiak. Hortaz, euskal talde bat finalean arituko da

Jai Alai ligaren antolatzaileak, atzo, Gernikako frontoian. ©MARKEL SUAREZ

Iparraldeko eta Hegoaldeko txapelketa nagusiak, batera

Berria

Gernikako, Donibane Lohizuneko, Miarritzeko eta Paueko txapelketak batuko ditu Jai Alai liga berriak

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...