'Breaking Bad', Tijuana in Blue, eta Pirinioak

Berria -

2019ko apirilak 6
Franco diktadorearen heriotzaren ondoren agertu zen berriro publikoki ELA, III. Biltzarrean, 1976an. Urte hartan jaio zen Mitxel Lakuntza Vicario, Iruñean. ELArekin lotu zuen bere izena 23 urte zituela, 1999an, Gamesako behargina zela. Elektronikako ikasketak egin ondoren sartu zen lanera haize erroten konpainian, eta ELAko ordezkari izan zen bi urtez han, harik eta 2001ean sindikatuaren egituran sartu zen arte. Nafarroako ELAko koordinatzailea izan da 2004az geroztik, eta Batzorde Eragileko kidea, beraz, urte horietan guztietan. Sindikalismoa senaz eta pasioz egiten duenetakoa da; beste pasioak ere baditu, ordea: mendia, zinema eta musika, esaterako. Pirinioetan zoriontsu da paisaiarekin gozatzen, «presarik gabe, hamaiketakoarekin gozatzen»; zinema aretoak ere gustuko ditu ostiral gauetan. Breaking Bad hasi eta buka egin duenetakoa da, eta, iruindarra izaki «musika eta militantziarekin batera» hezitakoa denez, zinez maite ditu hainbat banda, adibidez Barricada eta Tijuana in Blue.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna