Albistea entzun

Sasoia nola, derbia hala

Realak 0-1 irabazi dio Eibarri, eta urratsa egin du Europarako bidean. Armaginek oso zaila dute datorren urtean Lehen Mailan aritzea
Eibarko Pozo eta Realeko Barrenetxea, atzoko neurketako une batean.
Eibarko Pozo eta Realeko Barrenetxea, atzoko neurketako une batean. GORKA RUBIO / FOKU. Tamaina handiagoan ikusi

Jon Ander De la Hoz -

2021eko apirilak 27

Bi taldeen bilakaerak ikusita, nekez irudika zitekeen bestelako emaitzarik. Hondoa jota dago Eibar, eta eroso ari da Reala. Orain arteko irudi horien islada bat izan zen atzo Ipuruan jokatu zuten derbia. Realak irabazi zuen (0-1), eta Europa ligara sailkatzeko lehian abaila hartu dute txuri-urdinek, Espainiako Liga amaitzeko sei jardunaldiren faltan. Aldiz, datorren sasoian txapelketa horretan aritzeko ilusioa apaltzen ari zaio talde armaginari. Itzaltzen ari da Eibar.

Distira gutxiko neurketa izan zen, baina ondoen ari den taldea nagusi izan zen markagailuan. Bere neurketarik onena jokatzetik urrun, eraginkortasuna baliatu zuen Realak. Beste muturrean dago Eibar. Joko gatzila egiten dute Jose Luis Mendilibarrenek; 51. minutuan egin zuen lehen arriskuko jokaldia. Suspertu beharrean denak ezin ditu aurreko minutu guztiak probestu gabe utzi.

Aldarteak baldintzatzen omen du soropileko jarduna. Agerian geratu zen hori atzo. Bi taldeek gutxi egin zuten neurketan zehar, baina batzuen poza besteen tristura izan zen. Realari nahikoa izan zitzaizkion pare bat jokaldi distiratsu garaipena lotzeko.

Alexander Isakek izan zuen horren ardura. Une onean dago aurrelari suediarra, eta konfiantza horrek lagundu egiten dio kontrarioren atearen aurrean.Atzo ere, aldez eta moldez saiatu zen baloia Marko Dimitrovicen atean sartzen. Atezain serbiarraren zango artetik egin zuen lehen gola, 26. minutuan.

Geldikako jokaldi batean aurreratu zen Reala. Mikel Oiartzabalek ateratako korner batean, Robin Le Normandek ukitu zuen baloia, eta Isakek oztoporik gabe egin zuen errematea. Hutsa egin zuen eibartarren atzeko lerroak, eta halakoetan asmatu ezina lasta handia da azken postuan sailkatuta dagoen talde batentzat.

Hortik aurrera, maldan gora aritu ziren armaginak. Realak, berriz, patxadatsu moldatzeko beta izan zuen atsedenaldira artean.

Bigarren partean hobeto ekin zioten etxekoek, nahitaez erasora jo beharrean. Gol aukera argiena Isakek izan zuen, ordea. Huts egin zuen Dimitrovicen aurrean bakar-bakarrik zela. Eibarrek aurrerako urratsa egin zuen, baina errematerik gabe ez da golik lortzen. Anaitz Arbillak falta jaurtiketa on bat egin zuen 87.ean, baina kale. Amaieran, 0-1. Garaipen horrekin, Realak gertuago du Europa. Eibarrek, tamalez, Bigarren Mailako infernua.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Shane Larkin eta Vasilje Micic, Efeseko bi izarrak, azken Euroligako finala irabazi berritan, elkar besarkatzeko prest. ©ANDREJ CUKIC / EFE

Inoizko Euroligarik gogorrena

Beñat Mujika Telleria

Urtero maila hobetuz badoa ere, Europako izarren ligak gogoangarria izateko osagai guztiak ditu sasoi honetan. Hemezortzi talde lehiatuko dira gorenera iristeko asmoz.

Brais Mendez Realeko jokalaria, Omoniako jokalariez inguratuta, Europa ligako aurreko partidan. ©JON URBE / FOKU

Realak zigilua jarri nahi du

Jon Ander De la Hoz

Txuri-urdinek Moldavian jokatuko dute gaur Europa ligako hirugarren jardunaldian, Xeriffen aurka. Garaipena dute helburu, multzoko lidergoa indartzeko. Imanolek dio «lehia gogorra» izango dela

 ©JAIZKI FONTANEDA / FOKU

«Luzerako egon nahiko nuke hemen»

Iñaki Berastegi

Denbora gutxian «ondo» egokitu da Ghiorzi Euskal Herrira. Eibar egitasmo «polita» dela uste du, eta atzera ere kanporaketetarako sailkatzeko gai ikusten du taldea sasoi honetan.
Julen Lopetegi atzo, Sevillaren eta Dortmunden arteko neurketa bukatu berritan. ©Jose Manuel Vidal, EFE

Julen Lopetegik utzi egin dio Sevillako entrenatzaile izateari

Uxue Rey Gorraiz

Bart kargugabetu dute euskal teknikaria, taldearen bolada txarra dela eta. Klubak ez du iragarri Lopetegik utzitako hutsunea nork beteko duen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...