Albistea entzun

Aro baten amaiera

Hamar urteren ostean, Fran Garagarzak ez du Eibarreko kirol zuzendaritzan jarraituko. Administrazio kontseiluarekin adostutako erabaki bat da

Aitor Manterola -

2021eko maiatzak 4

Aldaketa handia dakar Eibarrek atzo goizean jakinarazi zuen albisteak: Fran Garagarza kirol zuzendariak ez du klubean jarraituko datorren denboraldian. Administrazio kontseiluak eta teknikariak adostu dute. Horrenbestez, aro luze baten amaiera gauzatuko da ekainaren 30ean, kontratua bukatzen den egunean.

Duela hamar urte hartu zuen Garagarzak oraingo ardura. Aurretik, beheko mailetako entrenatzaile eta koordinatzaile izan zen, baita lehen taldeko bigarren entrenatzaile ere. Eibarren hasi aurretik, hainbat klubetan izan zen entrenatzaile Mutrikukoa (Gipuzkoa). Haren aginduetara, Eibar Bigarren B Mailatik Bigarren Mailara igo zen lehendabizi 2013an, eta hurrengo sasoian, inork espero ez zuena lortu zen: Lehen Mailara igotzea. Bi lorpen horiek Gaizka Garitano entrenatzaile zela erdietsi zituen klubak.

Ordutik dabil Lehen Mailan Eibar, aurreneko sasoian zelaian mailan galdu bazuen ere. Baina bulegoetan berreskuratu zuen, Elx jaitsi zuelako Ligak, auzi ekonomiko bategatik. Lehen Mailako bigarren denboralditik orain arte, Jose Luis Mendilibar da entrenatzailea, eta denboraldi honetan dabil estuen taldea mailari eusteko: azkena da lau jardunaldi falta direla, eta lau puntura du sasoiko helburua betetzeko aukera.

Garagarza da Espainiako bi ligetan (Lehen eta Bigarren Maila) denbora gehien daramana kirol zuzendari lanetan klub berean, eta haren lan onak oihartzuna izan du. Garagarzaren ardurapean, klubak jokalariak ekartzeko zeukan filosofia aldatu egin da urteen joanean; batez ere, Lehen Mailara igo zenetik. Ordura arte, ohikoa izaten zen beste taldeek utzitako hainbat jokalari aritzea Eibarren, eta ia denboraldi guztietan, jokalari berri asko ekarri behar izaten zen. Lehen Mailara igota, eta diru sarrerak ugaritu egiten direla baliatuta, Eibarrek jokalariak fitxatzeari ekin zion ia kasu gehienetan, Garagarzak berak esaten zuen bezala, «patrimonioa izateko klubak». Dirua gastatu ere egin du urte hauetan jokalariak ekartzeko, lehen ia pentsaezina zena Eibarren. Erostearekin batera, salmentak ere izan dira urte hauetan. Orain arteko salmentarik garestiena Joan Jordanena izan da. Kataluniarra Espanyoletik ekarri zuen, maila oso ona eman zuen azken denboraldian, eta Sevillak eraman zuen, 14 milioi euro ordainduta.

Ez da Garagarza izango Eibarren segituko ez duen bakarra, Mikel Martija idazkari teknikoak ere ez baitu luzatuko ekainaren 30ean bukatuko zaion kontratua.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bera Berako jokalariak, entrenatzailea eta zaletuak, gaur, Parisen, garaipena ospatzen. ©Super Amara Bera Bera

Bera Bera Europako Ligako hirugarren kanporaketarako sailkatu da

Paulo Ostolaza

Itzulerako neurketa 21-26 irabazi zuten donostiarrek atzo Parisen, bigarren zati gogoangarri bat eginda. Hurrengo kanporaketan Errumaniako Ramnicu Valcearen aurka jokatuko dute.

Realeko jokalariak Madrilen, gaur, Isaken gola ospatzen, Realaren bigarrena. ©Mariscal / EFE

Lidergoari eutsi dio Realak

Paulo Ostolaza

Neurketa ikusgarria jokatu dute bi taldeek. 0-2 aurreratu dira txuri-urdinak, baina sufritu egin dute azkenerako. Sorloth eta Isak izan dira golegileak.

 ©ARITZ LOIOLA / FOKU

«Zuzendaritzara iritsi ginenerako, taldearen %85 ez zegoen»

Mikel O. Iribar

Santurtziren egoera administratibo eta ekonomikoa «zaila» zela ikusita, Salgadok klubeko gidaritza hartzea erabaki du, «zulotik ateratzeko» xedez. Argi du luze gaberako helburua: «TKEn plaza ziurtatzea».
Joselu Mato Alaveseko aurrelaria, partidako lehen gola ospatzen, atzo, Cadizen. ©ROMAN RIOS / EFE

Altxorra itsas hondoan

Eñaut Agirrebengoa

Alavesek sasoiko bigarren garaipena lortu du Cadizen, Joseluren bi goli esker. Berehala jarri da aurretik, eta, latz sufritu ostean, lehia erabakita utzi du amaieran

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.