Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Bere ohiko estiloan

Altuna III.ak 22-7 irabazi dio Bengoetxea VI.ari, Tolosan, eta finalerdietarako sailkatu da. Amezketakoak Ezkurdia izango du aurkari
<b>Jokin Altuna, pilota jotzear, atzo, Beotibarren, Tolosan.</b>
Jokin Altuna, pilota jotzear, atzo, Beotibarren, Tolosan. GORKA RUBIO / FOKU Tamaina handiagoan ikusi

Mikel O. Iribar -

2021eko urriak 26 - Tolosa

Txiki geratu zen atzo Tolosako (Gipuzkoa) Beotibar pilotalekua; bai baitzeuden arrazoiak. Lau eta Erdiko Txapelketako final-laurdenetako ligaxkako azken partida jokatzen baitzen; azkena, eta erabakigarria. Jokin Altunak eta Oinatz Bengoetxeak asko zuten jokoan; partida horretako irabazlea Joseba Ezkurdiaren aurka lehiatuko baitzen finalerdietan.

Bolada zeharo ezberdinetik zetozen bi pilotariak: Leitzakoa, Aitor Elordi 22-15 mendean hartuta; Amezketakoa, aldiz, Peio Etxeberriaren aurka 18-22 galduta. Altuna III.ak atzoko partidari zalantzaz josita ekingo zion ustea zabaldu zen Beotibarrera bertaratu ziren pilotazaleen artean. Usteak erdi ustel. 43 minututan, goitik behera gailendu zitzaion Bengoetxea VI.ari, hasi eta buka: 22-7. Aspeko pilotariak odolean daraman irabazle sena ez du galdu, antza. Leitzako basurdeak, berriz, «pozik» eta «asebeteta», agur esan dio bere ibilbide profesionalean azkenekoz jokatu duen lau eta erdikoari.

Bengoetxea VI.ak egin zuen lehen tantoa, sakea alde edukita. Baikoko aurrelaria lehen kolpetik lehia nahasteko asmoz hasi zen. Altuna III.a, ordea, ez zen urduri jarri, eta azkar berdindu zuen markagailua, pilota ezker txokoan doi-doi utziz. Maisua da horrelako egoeretan, errematatzaile petoa, eta modu horretara egin zuen bigarren tantoa ere.

Bengoetxea VI.a 5-2 atzetik bazihoan ere, 37 urterekin lau eta erdian txinparta sortzeko gaia oraindik bazuela erakutsi nahi zuen, eta, egoskorkeriaz, tanto bakarrera hurbildu zitzaion: 5-4. Ostera, sugarrak gutxi iraun zion leitzarrari; izan ere, Aspeko pilotariak 12-0 partziala sartu zion, bizi-bizi, olatua hamazazpigarren tantoan utzi zuen arte.

Urduri eta presaka aritzeko zantzurik ez zitzaion atzeman Altuna III.ari. Patxadaz eta soseguz, tanto ederrak egin zituen; hamabi guztira. Horrez gain, bost tanto egin zituen saketik. Dena dela, Bengoetxea VI.ak opari galantak egin zizkion aurrelari amezketarrari; bost huts egin zituen. Nekeak erasanda, deseroso zebilen leitzarra, lotuta, bere ohiko jokoa egin ezinik. Gozakaitz aritu bazen ere, Amezketakoarekin batera txalo zaparrada eta laudorioen artean erretiratu zen kantxatik.

Finalerdiak, erabakita

Horrenbestez, erabaki dira lau eta erdiko finalerdiak: lehenengoan, Unai Laso eta Peio Etxeberria nor baino nor gehiago ariko dira datorren larunbatean (17:30, ETB 1), Iruñeko Labriten; bigarrenean, Altuna III.ak eta Ezkurdiak elkarren aurka jokatuko dute igandean (16:30, ETB 1), Gasteizko Ogetan.

Promozioko lau eta erdikoan ere zehaztu dira finalerdiak: Zabala-Zubizarreta III.a eta Dario Bakaikoa. Bi partidak azaroaren 1ean jokatuko dira, Logroñon (Espainia).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alaveseko jokalariak, burumakur. ©Endika Portillo / Foku

Elurpean gelditu da Alavesen bolada ona

Eñaut Agirrebengoa

Arabako taldeak galdu egin du Celtaren kontra, Mendizorrotzan, eguraldi petralak baldintzatu duen partida orekatu batean. 

 ©RAUL BOGAJO / FOKU

«Betidanik lehenetsi dut Euskal Herrian jokatzea»

Iñaki Berastegi

Brust sasoia amaitu arte ariko da Eibarren, eta uste du «talde bezala» gehiago jokatuz gero badutela aukerarik oraindik ligan. Sant Cugaten zelaian ariko dira gaur (12.00).
2018ko Masters torneoko finaleko partida, Nafarroa Arenako pilotalekua jendez lepo beteta dela, Iruñean. ©IÑIGO URIZ / FOKU

2022ko buruz buruko finala Nafarroa Arenan jokatuko da

Mikel O. Iribar

Maiatzaren 29an izango da partida, 3.000 eserlekuko pilotalekuan. Masters torneoko bi finalerdiak eta finala ere bertan jokatuko dira

Victor Laguardia Alaveseko kapitaina, Sevillaren aurka sartutako gola ospatzen, Sanchez Pizjuanen. ©JOSE MANUEL VIDAL / EFE

Denbora kontua izan da

Eñaut Agirrebengoa

Itxaroten jakin duelako arnasberritu da Alaves, Javi Cabello teknikari laguntzaile ohiaren aburuz. Arabarrek Celta hartuko dute gaur (14:00).

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.