Albistea entzun

Aurreneko zantzuak

Ustez sailkapenaren goialdean egoteko hautagai diren bikoteak nabarmendu dira Binakako Txapelketaren aurreneko jardunaldian
<b>Danel Elezkano, errematatzear, herenegun, Mungian.</b>
Danel Elezkano, errematatzear, herenegun, Mungian. ARITZ LOIOLA / FOKU Tamaina handiagoan ikusi

Julen Etxeberria -

2021eko azaroak 23

Jardunaldi bakarra jokatu da Binakako Txapelketan. Ligaxkako beste hamahiru falta dira; mundu bat. Beraz, ezin da ondorio garrantzitsurik atera lehen lau partidetan gertatutakoaz. Hala ere, zantzu batzuk ikus daitezke.

Ustez goian egoteko hautagai diren bikoteek ez dute huts egin, eta irabazi egin dute. Azken ekitaldian finala jokatu zuten bi bikoteen kasua da hori. Txapeldunek, Danel Elezkanok eta Jose Javier Zabaletak, 22-7 hartu zituzten mendean Joseba Ezkurdia eta Xabi Tolosa, herenegun, Mungian (Bizkaia). Neurketak bi zati oso ezberdin izan zituen: aurrenekoa, oso berdinduta joan zen (7-7); bigarrengoan, berriz, Elezkano II.a-Zabaletak hamabost tanto egin zituzten jarraian. Aurrelaria izan zen onena. Ez zion kalterik egin aurretik masailean jasotako pilotakadak. Txapeldunordeek ere nagusitasunez irabazi zuten: Jon Ander Peña eta Jon Ander Albisu 22-15 gailendu zitzaizkien Erik Jakari eta Jon Mariezkurrenari. Peña II.a izan zen onena.

Unai Lasok eta Ander Imazek, eta Iker Irribarriak eta Beñat Rezustak ere oso ondo ekin diote ligaxkari: Baikokoek 22-9 irabazi zieten Mikel Urrutikoetxeari eta Aitor Arangureni, eta Aspekoek 22-11 Jokin Altunari eta Julen Martijari. Laso eta Irribarria nabarmendu ziren euren itzuleran: nafarrak erakutsi zuen ondo ari dela, eta gipuzkoarra gero eta hobeto.

Emakume Master Cupeko Lau eta Erdiko Txapelketan, berriz, zehaztuta dago zein bi pilotari ariko diren pilota goxoko finalean: Leire Etxaniz eta Eider Zubizarreta. Etxanizek 18-1 irabazi zion Maria Eskuderori, herenegun, Balmasedan (Bizkaia), eta Zubizarretak 18-8 Aiala Uriarteri.

Goikoetxea-Lekerika, nagusi

Bestalde, Iñaki Osa Goikoetxeak eta Iñaki Lekerikabeaskoak irabazi zuten herenegun Munduko Kopa, Zinacantepecen (Mexiko). Bi setetan hartu zituzten mendean Aritz Erkiaga eta Imanol Lopez: 15-10 eta 15-12. 24 urtez azpikoan, Alex Goitiandia eta Danel Mandiola nagusitu ziren, bi setetan. 15-12 eta 15-8 irabazi zieten Pierre Etcheverryri eta Theo Laborderi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Mendian arriskua kudea dezakezu, baina ezin duzu desagerrarazi»

Jon Artano Izeta

Mendi gidaria da, eta gidarigaien irakaslea. 30 urte daramatza Huarazen, Peruko Mendikate Zurian, eta ezagun du. 'Pucha', 'cachuelo', 'chibolo'... Ande-kontrako gaztelaniaren hitzak darabiltza, eta hango airea ere badu haren jardunak: 'empesar', ahoskatzen du, 'haser'... «Euskalperutarra» dela dio; herrialdeko mendigoizalerik onena dela esan izan dute hangoek.
Julen Alberdi <em>Txikia IV.a</em>, garaipena ospatzen, herenegun. ©JON URBE / FOKU

Gai dela berretsi du

Jon Ander De la Hoz

Julen Alberdi 'Txikia IV.a'-k estreinakoz irabazi du Urrezko Kopa, Iker Vicenteri eta Mikel Larrañagari aurrea hartuta: «Lan exijentea izan zen».
Nacho Monreal jokalaria, 2021eko irudi batean. ©Javier Etxezarreta, EFE

Nacho Monrealek futbola utziko du

Uxue Rey Gorraiz

«Garai bat bukatu da. Beste bat hasi. Zoriontsu naiz», azaldu du futbolari nafarrak sare sozialetan zabaldutako mezu batean. Hamasei urte egin ditu futbol profesionalean; Osasunan eta Realean horietako hainbat.

 ©NADETH AGIRRE

«Gure arraun egiteko erari eustea izan da arrakastaren gakoa»

Julen Etxeberria

Oriok hirugarrenez irabazi du Euskotren liga, baita Nadeth Agirrek ere. Baina gehiago nahi dute. «Zarautzen irabazi nahi dugu, lana biribiltzeko. Gero, Kontxan nagusitu nahi dugu».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...