Presidentetzarako bozetan, Le Pen eta Bayrou ere bai

Nicolas Sarkozy eta François Hollanderekin batera, Marine Le Pen eskuindarrak eta François Bayrou zentristak eman dute izena hauteskundeetarako. Martxoak 19ra arte dago hautagaitzak aurkezteko epea. Le Pen eskuin muturreko Fronte Nazionala suspertzen saiatu da bere aita Jean-Marie enblematikoa eta «oinarrizko baloreak» goraipatuz—oraindik ez dituela beharrezko 500 hautetsiren sinadura lortu esan du—. Duela hilabete batzuk bigarren itzulira igaro zitekeela esan bazuten ere, indarra galdu du. Bayoruk, berriz, ezustea eman zuen 2007ko bozetan botoen %18 eskuratuta. Orain %12 eta 14 artean ematen diote. Lehen itzulia apirilaren 12an izango da, eta bigarrena maiatzaren 6an.