937

ATXILOTUAK, TUNISIAN

Tunisiako Barne Ministerioak atzo jakinarazi zuen guztira 937 herritar atxilotu dituztela joan den astetik herrialde osoan egin dituzten protestetan. Herenegun 41 lagun atxilotu zituzten, Zine el-Abidine Ben Ali presidentearen aurkako matxinadaren zazpigarren urteurrenean. Manifestariek gobernuari exijitu diote Aurrekontu Legea kentzeko. Protestetan herritar bat hil da, argitu gabeko arrazoiengatik.