Deustuko Gazte Lokala babestutako eraikin izendatzeko eskatu diote udalari

BILBO. Deustuko Gazte Lokalaren Aldeko Plataformak 2.000 sinadura baino gehiago bildu ditu Gazte Lokala Bilboko hirigintza plan orokorreko eraikinen katalogora gehitzeko eskatzeko. Atzo arratsaldean aurkeztu zituzten sinadura guztiak, Bilboko Udaletxean. Plataformak ezinbestekotzat jo du eraikina babestutako eraikinen katalogora gehitzea, Gazte Lokalaren «balio historikoa» eta «erabilera kolektiboa» babesteko.