BERRIAn agertu zen Jaurlaritzaren klima-aldaketaren inguruko adierazpen instituzionala. Adierazpen horretako zati batzuk dira: Klima-aldaketa errealitate ukaezina da. Neurriak hartzeko garaia da. Klimaren auzia gure herriaren helburu nagusi gisa hartu nahi du Jaurlaritzak. Tokiko erakundeen bidez ekin behar zaio, bereziki herritarrengandik hurbilen dauden instituzioen bidez (Udala esan nahi zuen?).
Euskal Herrian itsasertzean dauden herriek, Zarautzek adibidez, itsasoaren mailaren igoerari begiratu beharko liokete. Errealitatea da, ordea, ez dela hala.
Zarauzko herria akuifero gainean eraikita dago eta zatirik handiena eremu uholdegarrian. Zarauzko udalak uko egin zion aurreko legealdian ZHAPOa (Zarauzko Hirigintzako Plan Orokorra) aldatzeari—2018an jada berrikustea tokatzen zena—, aldatzen hasizgero, besteak beste, klima-aldaketaren eta uholdegarritasun irizpide berriak sartu beharko zirelako.
Baina horregatik ez dio utzi, ZHAPO zaharra erabilita, plan partzialak egiteari, urbanizazioak han eta hemen martxan jarriz. Adibide garbia da Zarauzko sarreran, Iñurritza errekaren ondoan, Eguzki-Izar izeneko eremuan egin nahi diren etxeak eta hotela, justu-justu, itsas maila igoeraren ondorioz, Iñurritza errekaren ibilbidetik itsasoko ur gaziaren sartu-irteera nagusia izango den eremuan.
BERRIAk dio: [Jaurlaritzak] klimaren egoera «larrialdi» gisara izendatzea «keinu sinbolikoa».
ZUZENDARIARI
Hasi etxetik aldaketa
Iruzkinak
Ez dago iruzkinik
Ordenatu