Emakume Master Cupeko finalak zehaztuta geratu dira

Arrillagak eta Larrartek jokatuko dute pilota mistoko lehen finala, eta Espinarrek eta Etxanizek goxokoa

Miriam Arrillaga. JUANAN RUIZ / FOKU Tamaina handiagoan ikusi

2019ko abenduak 3

PILOTA. Azken txanpan da Emakume Master Cupen Lau eta Erdiko Txapelketa. Jada zehaztuta dago zer lau pilotari ariko diren hilaren 15ean, Barakaldon (Bizkaia), pilota mistoko eta goxoko finaletan. Miriam Arrillaga eta Miren Larrarte ariko dira pilota mistoko lehen txapela irabazteko lehian. Leire Garai (18-5) eta Laia Salsamendi (18-13) kanporatu zituzten igandean, Galdakaon (Bizkaia), hurrenez hurren. Pilota goxokoan, berriz, Patri Espinarrek eta Leire Etxanizek neurtuko dituzte indarrak. Olatz Arrizabalaga (18-7) eta Iera Agirre (18-2) utzi zituzten bidean. Promozio mailan, berriz, Amaia Jakak jantzi zuen txapela, finalean Ainhoa Ruiz de Infanteri 22-8 irabazita.

Bestalde, Binakako Txapelketan, Jaka-Zabaletak eta Artola-Imazek bakarrik irabazi dituzte orain arte jokatutako bi neurketak. Garaipen bana dute Ezkurdia-Martijak, Bengoetxea VI.a-Mariezkurrena II.ak —atzelaria osatu egin da—, Olaizola II.a-Urrutikoetxeak eta Irribarria-Rezustak, eta batere ez Laso-Albisuk eta Altuna III.a-Galarzak. Ostiralean, larunbatean —bi partida— eta igandean jokatuko dute hirugarren jardunaldia.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Pribatutasun politika eta Lege informazioa irakurri ditut eta onartzen ditut

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Mugak irekitzeko eskariak ugaritu egin dira

Edouard Philippek aipatu du mugako kontrolak kentzeko aukera. Ekainaren 15etik aitzinera izanen litzateke. Iñigo Urkulluk eta Alain Roussetek eskari horixe egin dute; Urkullu Espainiako presidenteari zuzendu zaio, eta Rousset, Frantziakoari, gutun bidez. «Akitania Berria-Euskadi-Nafarroa Euroeskualdean mugaz gaindiko mugikortasuna errazteko» eskatu diete. Nafarroako Gobernuak ere bat egin du eskari horrekin.

Gipuzkoaren eta Lapurdiren arteko mugako saltokiak. Muga ekainaren 15ean zabaltzea «litekeena» dela esan du Edouard Philippe Frantziako lehen ministroak. ©Jon Urbe / Foku

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna