Bruselak onartu du Altice konpainiak Sotheby's enkante etxea erostea

BRUSELA. Europako Batzordeak oniritzia eman dio Sotheby's-en jabetza eskuz aldatzeko operazioari. Patrick Drahik erosiko du arte alorrean munduko enkante etxerik garrantzitsuena dena. Altice telekomunikazio konpainiaren fundatzailea da Drahi. Ekainean eman zuten operazioaren berri: 3.339 milioi euroko kostua izango du, eta, 31 urteren ostean, Sotheby's-ek burtsan kotizatzeari utziko dio.