Naparra zenaren bilaketa, Paueko jendarmeen esku

PARIS. Eguna jartzea baino ez da falta Jose Miguel Etxeberria Naparra zenaren gorpuaren bilaketa lanei ekiteko —1980ko ekainean ikusi zuten azkenengoz—. Eskumenei buruzko eztabaida baten ondoren, Mont-de-Marsango (Frantzia) instrukzio epaile Solenne Motylen esku geratu da Komando Autonomi Antikapitalistetako kide zena gorpuaren bilaketa. Espainiako zerbitzu sekretuetan aritutako batek eman zuen informazioaren arabera, Mont-de-Marsan inguruan dago lurperatua Naparraren gorpua. Paueko Jendarmeriako talde bat izendatu du hango epaileak bilaketa egiteko.