WASHINGTON. Ameriketako Estatu Batuetako demokratek azaroko bozetan izango duten hautagaia aukeratzeko kanpaina betean daude. Joe Biden eta Bernie Sanders aurrez aurre izan ziren herenegun gauean CNN katean egindako eztabaidan. Barack Obamaren presidenteorde izandakoak bota zuen gaueko promesa: «Hitz ematen dut presidente banaiz emakume bat aukeratuko dudala presidenteorde izateko. Badaude bihar bertan presidente izateko prestatuta dauden hainbat emakume: bat aukeratuko dut presidenteorde izateko».
Koronabirusa zela-eta publikorik gabe egin zen telebista saioko aurkezleek gauza bera egingo ote duen galdetu zioten Sandersi. Hark horrela erantzun zien: «Litekeena, bai».
Sandersek beste auzi batera eraman nahi izan zuen eztabaida. Koronabirusaren gaia ardatz hartuta, osasun sistema publikoa aldarrikatu zuen. AEBetan lagun 62 hil ditu birusak.
Bidenek nahi du presidenteordea emakumea izatea
Iruzkinak
Ez dago iruzkinik
Ordenatu