Israelgo armadak bi palestinar hil ditu tiroz Zisjordaniako Nablus hirian

JERUSALEM. Israelgo armadak bi palestinar hil zituen atzo Nablus hirian, Zisjordanian. Palestinako Osasun Ministerioak plazaratutako informazioaren arabera, beste pertsona bat zauritu zuten. Israelgo armadak ohar batean adierazi zuenez, ibilgailu batetik tiro egin zioten postu militar bati, eta soldaduen «benetako suarekin» erantzun zuten, «bi susmagarri» identifikatu ondoren.