GASTEIZ. Emakundek sustatuta, indarkeria matxistaren biktima direnen arta hobetzeko akordioa onartu dute Arabako, Bizkaiko eta Gipuzkoako instituzio nagusiek. Ituna 2001ean sinatu zen lehen aldiz, 2009an eguneratu zuten, eta, orain, hirugarrenez egin dute. Akordioan «aurrerapausoak» ematen dira biktimei «arreta integralagoa» eta «pertsonalizatuagoa» emateko, bai eta biktimak «berriz biktimizatzea» eragozteko ere. Berrikuntza nagusia zera da: era guztietako indarkeria matxista aitortzen dela, eta emakumeak, seme-alabak eta inguruko beste pertsona batzuk biktimatzat jotzen direla. Indarkeria matxistako kasuak goiz hauteman ahal izateko, berriz, erakundeen «proaktibitatea» sustatuko dutela jaso dute.
Ituna datorren astean onartuko dute Gobernu Kontseiluan.
Era guztietako bortxa matxista aitortzeko ituna onartu dute
Biktimen arta hobetzeko hirugarren akordioa egin dute Arabako, Bizkaiko eta Gipuzkoako instituzio nagusiek
Iruzkinak
Ez dago iruzkinik
Ordenatu