Bizkaiko fiskaltzak ikerketa abiatu du Kutxabankek egindako salaketari buruz

BILBO.Kutxabankek Mario Fernandez presidente ohiaren aurka jarritako salaketa ikertzeari ekin dio Bizkaiko fiskaltzak. Joan den ostiralean, salaketa jarriko zuela iragarri zuen bankuak, Fernandezek Mikel Cabiezes PSE-EEko karguak lan egiten duen abokatu bulegoari egindako ordainketen harira. Fiskaltzaren esku dago orain auzia.