TXIRRINDULARITZA. Poloniako Itzuliko hirugarren etapak ozta-ozta egin zion ihes, atzo, Pello Bilbao (Bahrain) gernikarrari. Ezustea emateko zorian egon zen, helmugatik hamar metrora. Baina, azkenean, Sergio Higuitak (Bora) irabazi zuen. Lasterketako lider berria da kolonbiarra. Bilbao atzetik du, lau segundora. Gaur hasiko da Burgosko Itzulia.
Bestalde, herenegun bukatu zen Emakumezkoen Frantziako Tourra. Garailea, Annemiek van Vleuten (Movistar) izan zen, erakustaldia emanez. Zaleak aho zabalik utzi zituen, eta maillot horia etxera eraman zuen, azken bi etapak irabazita. Giroa ere irabazi du aurten, eta lasterketa luzeetan parekorik ez duela berretsi du.
Pello Bilbao bigarren sailkatu da Polonian
Iruzkinak
Ez dago iruzkinik
Ordenatu
