Errioxa sor-markak ekoizpena doituko du datozen bi urteetan

ABRAk kezka adierazi du, hartutako neurriak sektorean dagoen desoreka konpontzeko nahikoa ez direlako

Mahastiak Bastidan, iazko abuztuaren erdialdean. JAIZKI FONTANEDA / FOKU.
2023ko martxoaren 14a
00:00
Entzun
GUARDIA. Ardoaren ekoizpena murriztea erabaki zuen atzo Errioxako sor-markaren Kontseilu Arautzaileak. Izan ere, litro gehiegi ekoitzi dira azken urteetan, eta, salmentak jaitsi egin direnez, desoreka sortu da sektorean, eskaintza nabarmen handiagoa delako eskaria baino.

Horiek hala, atzo goizeko bileran erabaki zuten 2023ko eta 2024ko mahats bilketen errendimendua %90era jaistea mahats beltzaren kasuan. Helburuak lortzen ez badituzte, 2025era arte luzatu dezakete neurria. Erabakiak ez dio mahats zuriari eragingo. Horrez gain, adostu zuten hurrengo hiru urteetan mahasti landaketa gehiago ez egitea.

ABRA Arabako Errioxako upategi txiki eta ertainen elkarteak adierazi zuen kezkatuta dagoela Kontseilu Arautzaileak hartutako erabakiekin. Ohartarazi zuen ez duela «ezertarako balio» beste aldera begiratzeak, sektorearen egoera larria delako. ABRAren iritziz, proposatutako neurriak ez dira nahikoak sektorean dagoen desorekari aurre egiteko.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.