MUSIKA. Euskadiko Orkestra Sinfonikoak zortzi kontzertuko denboraldi txiki bat jarriko du abian datozen asteetan. Euskadiko Orkestra martxan! izenburua jarri dio egitasmoari, eta hainbat berezitasun izango ditu: Miramongo (Donostia) egoitzan egingo ditu kontzertuak orkestrak, publikorik gabe, eta 50 bat musikariko talde murriztuarekin ariko da. Kontzertu horiek grabatu egingo dituzte, eta ETB2k larunbatero emango ditu hilaren 30etik aurrera. Kontzertuek gehienez ere ordubete iraungo dute, eta, orkestrako arduradunek adierazi dutenez, segurtasun neurri guztiak hartuta egingo dira. Hain zuzen ere, segurtasun protokoloak kontuan izanik hasi dira entseatzen Robert Treviñoren zuzendaritzapean.
Kontzertuetarako aukeratutako konpositoreen artean, Ramon Lazkano, Mikel Urkiza, Mendelssohn, Haydn, Mozart, Richard Strauss eta Brahms daude, horien partituretako asko 50 musikari baino gutxiagoko orkestra murritzerako idatzita baitaude.
Zortzi kontzertu egokitu emango ditu EOSek
Iruzkinak
Ez dago iruzkinik
Ordenatu
