Ebakuntza egin diote Jakobseni, eta hobera egin du
TXIRRINDULARITZA. Fabian Jakobsenen (Deceuninck- Quick Step) osasunak hobera egin du. Atzo ebakuntza egin zioten, eta egonkor dago. Medikuen asmoa da posible denean komatik esnaraztea. Jakobsen herenegun erori zen Poloniako Itzuliko lehen etapan, Dylan Groenewegenek (Jumbo) hari ukondoarekin bultza egin eta gero. Groenewegenek barkamena eskatu du, baina Deceuninck-Quick Step taldeak salaketa jarri du haren aurka. Lehiari dagokionez, munduko txapeldun Mads Pedersenek (Trek) irabazi zuen bigarren etapa, esprintean, eta lider jarri da. Gaur, mendiko etapa jokatuko dute.
Bestalde, Aleksandr Vlasov errusiarra (Astana) nagusitu zen atzo Mont Ventouxko Erronkan. Gari Bravo (Euskaltel-Euskadi) lasterketa buruan egon zen hainbat kilometroz.
Goizeko buletina
BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.
