Albistea entzun

Hipoteka berriak urritu egin dira, 2014tik lehen aldiz

Lau lurraldeetan %2,5 egin dute behera, eta Nafarroan gehien: %9,4. Maileguen batezbestekoa 122.079 euro da

Berria -

2020ko otsailak 28

DONOSTIA. 2014tik lehen aldiz, behera egin du hipoteka berrien kopuruak Hego Euskal Herrian. %2,5 gutxiago izan ziren iaz, 2018koekin alderatuta. Nafarroan nabaritu da gehien, %9,4 gutxitu baitira. Araban, Bizkaian eta Gipuzkoan, berriz, pixka bat igo da: %0,6. Hipoteken interes tasak azken bost urteetako apalenak izateak ez ditu animatu bezeroak. Baliteke etxebizitzak garestitu izanak (%4,8) zerikusia izatea. Salmentetan nabaritu da, halaber: %4,8 gutxiago.

INE Espainiako Estatistika Institutuak eman ditu datuok. Iaz, 22.570 hipoteka eman zituzten bankuek, 2018an baino 337 gutxiago. Araban, Bizkaian eta Gipuzkoan, 18.278 sinatu ziren, 109 gehiago. Nafarroan, berriz, 4.292 (446 gutxiago).

2011n hasi ziren nabarmen gutxitzen, eta 2014an jo zuten behea: 15.719 hipoteka. 2015etik aurrera hasi zen goranzkoa: %20 ugaritu ziren, baina joera apalduz joan zen —2016ko %8,6tik, 2018ko %4ra—. Iazkoak dira lehenengo zifra negatiboak azken bost urteetan.

Hipoteken interesak, berriz, inoizko txikienak dira orain ere, nahiz eta 0,03 puntu igo diren 2018tik. Iaz, %2,46 zen batez beste; 2014an, %4,13. Euriborra, berriz, zero azpitik dago 2015etik (-%0,356 iazko abenduan).

Hipoteka motei dagokienez, interes tasa aldakorrekoak dira nagusi: %57. Baina urtetik urtera nabarmen igo dira interes finkokoak: iaz %43; 2015ean %10.

Hipoteken batezbestekoa, berriz, 122.079 euro da. 2016an eta 2017an, 125.000 euro zen. Krisiaren aurretik, 2008an, 157.000 euro. Batez beste, 21 urterako hipotekak dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lanaldean-eko langile talde bat, enpresak Bilbon duen bulego baten aurrean atzo eginiko elkarretaratze batean. ©M. D. V. / FOKU

«SOS Deiak, bai esan?»: 1.000 euroko soldata

Imanol Magro Eizmendi

Lanaldean telemarketin enpresako langile batzuek mobilizazioak hasi dituzte baldintzak hobetzeko. Gutxieneko soldataren mugan daude, eta, besteak beste, Segurtasun Sailaren, Kutxabanken eta Iberdrolaren lehen ahotsa dira.
Kadri Simson EBko Energia komisarioa, gaur, Bruselan. ©OLIVIER HOSLET / efe

Energia merkatzeko lehen neurrien ondoren, urrunago joateko presioa du Bruselak

Iker Aranburu

Kontsumoa jaistea, energia konpainiak zergapetzea, eta berriztagarrien sariak murriztea onartu du EBk. Gasari gehienezko prezioa jartzeko eskatu dute EBko hamabost kidek, baina Europako Batzordeak eta Alemaniak ez dute nahi.

Elorrioko kooperatiba baten hipermerkatu bat. ©EROSKI

Eroskik 46,8 milioi euroren irabaziak izan ditu lehen seihilekoan

Xabier Martin

Inflazio handiaren agertokian, «familiei laguntzeko ahalegina» egin duela esan du kooperatibak. Salmentak 2.633 milioi eurora iritsi dira

<b>Etxe bila.</b> Emakume bat etxebizitzen iragarkiak ikusten, Getxoko higiezin agentzia batean. ©MIGUEL TOÑA / EFE

Inoizko igoerarik handiena izango dute hipoteka orain eguneratu behar dutenek

Iker Aranburu

Euriborrak %2,2tik gora bukatuko du iraila, mailarik handiena 2009az geroztik. 150 eta 200 euro artean garestituko ditu berritu behar diren kuota gehienak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...