Japoniako Parlamentuak ez du onartu Aberen aurkako zentsura mozio bat

TOKIO. Pentsio publikoen bideragarritasuna zalantzan jartzen duen txosten bat ezkutatu duela leporatuta, oposizioak Shinzo Abe Japoniako lehen ministroaren aurkako zentsura mozio bat aurkeztu zuen ordezkarien ganberan. Atzo bozkatu zuten, eta, espero bezala, ez zuten onartu: Aberen alderdiak gehiengo oso nabarmena dauka ganberan. Ondorioztatuta pentsio publikoak ez direla nahikoa izango, estatuko erakunde batek hilaren hasieran argitaratutako txosten batek dirua aurreztuta edukitzea gomendatzen zien etorkizuneko pentsiodunei.