TXIRRINDULARITZA. Remi Cavagnak (Deceuninck) erakustaldia emanda irabazi zuen atzo Espainiako Vueltako 19. etapa. Eguneko ihesaldian sartu ondoren, erasoa jo zuen helmugatik 11 kilometrora. Kilometro horiek herio betean egin zituen, eta bost segundoren aldearekin sartu zen Toledoko helmugan.
Sailkapen nagusian ez zen aldaketarik egon, hein handi batean UCIko epaileen esku hartzeagatik. Helmugatik 66 kilometrora, eroriko handi bat egon zen errepide estu batean. Eroriko txirrindulariek buxadura sortu zuten, eta Primoz Roglic (Jumbo) liderra eta Miguel Angel Lopez (Astana) laugarren sailkatua atzean gelditu ziren. Movistar tiraka hasi zen orduan, minutu bateko tartea irekiz, baina UCIko epaileek gelditzera behartu zuten. Erabakiak Movistarreko zuzendarien haserrea piztu zuen.
Gaur azken aurreko etapa jokatuko da. Sailkapena aldatzeko azken aukera da. Tropelak 190 kilometro egingo ditu, Arenas de San Pedro eta Plataforma de Gredos artean. Sei mendateetatik bi lehen mailakoak dira.
Remi Cavagnak erakustaldia emanda irabazi du Toledon
Helmugaraino eraman du ihesaldia. Roglic eta Lopez erori egin dira, eta haiei itxarotera behartu dute tropela
Iruzkinak
Ez dago iruzkinik
Ordenatu