Metanoa atzeman dute Gasteizen eta Durangon

Metano ihesa Gasteizen. E. M.
2022ko urriaren 5a
00:00
Entzun
GASTEIZ. Ekologistak Martxan taldeak metano ihesak aurkitu ditu Gasteizko eta Durangoko (Bizkaia) transmisio zentroetan. Marina Gros taldeko kidearen erranetan, lehenbizikoak nahi gabe sortutako ihesak dira; bigarrenak, berriz, enpresak propio egindakoak.

Nahi gabe agertzen diren ihesak gertatzen dira, adibidez, «balbula edo uztai batek ez duenean ongi funtzionatzen edo zerbaitek zulo bat duenean», azaldu du Grosek. Hala, Gasteizko transmisio zentroaren egoera «bereziki kezkagarria» dela adierazi du taldeak. Izan ere, «isurketa jarraituak eta emari handikoak» aurkitu dituzte bertan, «hamabost ihesetatik datozenak».

Durangon (Bizkaia) aurkitutako isuriak, berriz, enpresak propio egindakoak dira, haizatze hotzaren teknika erabiliz horretarako. Jarduera hori sistemetako presioa arintzeko erabiltzen da. Kasu horietan sistemaren presioak gora egiten duenean, «metanoa zuzenean atmosferara» askatzen dela azaldu du Grosek.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.