Herio mehatxuak Frantziako bi ministroren aurka

PARIS. Bruno Le Maire Frantziako Ekonomia ministroak eta Gerald Darmanin Ogasun ministroak herio mehatxuak jaso dituzte. Errebolber baten hiru bala bidali dizkiete gutun batean. Le Maire mehatxatu zuten lehenago ere: G7koen Miarritzeko (Lapurdi) bilera baino lehen, haren Senpereko (Lapurdi) etxea «txikituko» zutela zioen gutun bat atzeman zuten jendarmeek Baionan.