Independentzia judizialen erronkaz ohartarazi du EBk

BRUSELA. EB Europako Batasunak atzo ohartarazi zuen talde komunitarioko hainbat estatu kidek «benetako erronkei» aurre egin behar dietela independentzia judiziala eta prentsa askatasuna bermatzeko.

EBk zuzenbide estatuari buruzko lehen auditoria aurkeztu zuen, eta txosten horretan jaso du independentzia judiziala arriskuan dagoela Hungarian eta Polonian, baina, horietan ez ezik, desafioak daudela besteak beste Bulgarian, Errumanian, Kroazian eta Eslovakian ere. Lau kontu ikertu ditu: sistema judizialak; ustelkeriaren aurkako borroka; komunikabideen aniztasuna eta askatasuna; eta kontrolak eta orekak, oro har.