Kontinental profesional izango dela baieztatu du Fundazioak

Orbea bizikleta etxea ageriko da babesle nagusi gisa, eta urriko azken astean aurkeztuko dute egitasmoa
Euskadi Fundazioko txirrindulariak, aurtengo aurkezpen ekitaldian.
Euskadi Fundazioko txirrindulariak, aurtengo aurkezpen ekitaldian. J. M. / FOKU

Berria -

2019ko urriak 9
TXIRRINDULARITZA. Euskadi Fundazioa Kontinental Profesional mailako taldea izango da 2020. urtean. Zurrumurru ozena zena atzo baieztatu zuen, eta UCIren bigarren mailan lehiatuko da. Orbea-Fundazioa izenarekin hartuko du parte, bizikleta etxea izango baita babesle nagusia. Taldeak urriaren azken astean Bilbon egingo duen aurkezpenean emango ditu xehetasun gehiago.

Hilabeteak dira Euskadi Fundazioak pauso bat eman eta txirrindularitzaren hirugarren mailatik bigarrenera igarotzeko asmoa publiko egin zuela. Horretarako, baina, UCIren oniritzia behar zuen, eta talde laranjak atzo jaso zuen esperotako mezua. Tramite hutsa baino gehiago zen, Kontinental Profesional mailan aritzeko baldintzak ez baitira samurrak. Besteak beste, hiru zuzendari eta hamasei txirrindulari profesional izan behar ditu, eta bakoitzak 30.000 euroko soldata izan behar du gutxienez. Era berean aurrekontu osoaren %25 estaltzeko moduko segurtasun bermea jarri behar du UCIn.

Orbea etxea izango da babesle nagusia. Cofidis eta Vital Concept taldeetan egon ondoren, euskal egitasmo baten lehen babesle izango da berriz ere. Kirol azpiegiturari dagokionez, Mikel Landa da presidentea eta Jorge Azanza zuzendaria. Kontinental mailako taldeko hainbat txirrindularik jarraituko dute eta Euskadi-Muriasetik ere hainbat iritsiko dira. Egutegiari dagokionez, World Tour mailako proben gonbita jaso ahal izango du: Itzulia edo Klasikoa esaterako. Halere, zail izango du itzuli handietan sartzea, gonbitak lortzeko arautegia zorroztu baitu UCIk.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna