Alavesek Lehen Mailara igotzea du jokoan

FUTBOLA. Urte hasieran ipinitako helburua azken jardunaldian lortzeko aukera izango du Alavesek. Las Palmasen arituko dira gaur (21:00, La Liga), eta bi taldeetako batek lortuko du Lehen Mailara igotzea. Las Palmasek puntu bat gehiago dauka sailkapenean, eta berdintzea nahikoa dute helburua lortzeko. Luis Garcia Plazak atzoko prentsaurrekoan hitz egin zuen, eta «zaleen ilusioa» izan zuen hizpide, besteak beste: «Lehen Mailara igotzea oso gauza polita da. Jende asko zoriontsu egitea dago jokoan, eta ahalegina egingo dugu».

Bestalde, Eibarrek garaipen batekin amaitu nahi ditu ligako partidak, Huescan irabazita (21:00, La Liga). Gaizka Garitano entrenatzailearen iritziz, hori da kanporaketei aurre egiteko «modurik egokiena». Gipuzkoarrek hirugarren, laugarren edo bosgarren postuan amaitu dezakete sasoia. Helburua, baina, hirugarren postua eskuratzea da. Hori lortuz gero, finalerdietako eta finaleko itzulerako partidak Ipuruan jokatuko lituzke Eibarrek.