Hego Uribe taldea nagusitu da BBK sariketako lehen finalaurrekoan, Deustun

BERTSOLARITZA. Finalaurrekoen fasean sartu zen atzo Bertsolari Gazteen 27. BBK Sariketa. Uribe Butroe eta Hego Uribe taldeek jokatu zuten saioa, Bilbon, Deustuko Bidarte kultur gunean, eta aretoa bete zuten auzoko ikastolako ikasleek. Hego Uribe taldea gailendu zen, eta, horrenbestez, zuzenean sailkatu finalerako. Gaur beste finalaurreko bat jokatuko dute Uribe Kosta eta Durangaldea taldeek, Sopelako Ander Deuna ikastolan, eta nagusitzen dena finalera igaroko da. Apirilaren 3an izango da finala, Bilboko BBK aretoan, 18:00etan.