Gipuzkoak 'think tank' bat sortu du geroa lantzeko

DONOSTIA. Etorkizuna Eraikiz think tank edo ideia taldea sortu du Gipuzkoako Aldundiak, pandemiak azaleratutako erronka ekonomiko eta sozialei buruzko proposamenak egiteko. Diputazioko arduradunek eta ekonomia eta gizarte alorreko «hainbat ordezkari esanguratsuk» hartuko dute parte think tank-ean.

Lau ataletan banatuko dute: ekonomia eta etorkizuneko lanpostuak; klima aldaketa eta ekonomia berdea; ongizate estatuaren eta zaintza ereduen etorkizuna; eta kultura politiko berria. «Ez da bideratuta egongo gogoetara eta jakintza aurreratua sortzera soilik; esperimentazio kooperatiboa ere egingo du», Markel Olano ahaldun nagusiak esan duenez.