'Ibar auziko' sententzian atzera egin zuen epaimahaikidea baztertu du epaileak

Berria -

2019ko otsailak 1
DONOSTIA. Pablo Ibar euskal jatorriko estatubatuarraren aurkako epaiaz damutu zen epaimahaikidea baztertzea erabaki zuen atzo epaileak. Hiru pertsona hiltzeaz errudun jo dute Ibar, baina epaimahaiko gizon batek salatu du «presioak» jasan zituela deliberazio prozesuan. Epaimahaikide hori apartatu izanak kalte egingo dio Ibarri, epaimahaiak zehaztu behar baitu orain zein zigor ezarri: heriotzera kondenatzeko, kide guztiek egon behar dute ados; bestela, bizi osorako kartzelaldia ezarriko diote. Defentsak helegitea jarri dio erabakiari.