Jaurlaritzak ez du auto gidaridunen dekretua aldatuko

BILBO. Arantxa Tapia Jaurlaritzako Ekonomiaren Garapenerako sailburuak adierazi duenez, ibilgailu gidaridunen zerbitzua (IG) arautuko duen dekretua ez dute aldatuko, nahiz eta Lehiaren Euskal Agintaritzak ohartarazi neurri batzuk «diskriminatzaileak» eta «murriztaileak» direla: adibidez, zerbitzua gutxienez 30 minutuko aurrerapenarekin eskatzea. Tapiak esan du dekretuak garraio zerbitzuak arautzen dituela —taxien eta IGen ratioak, adibidez—, eta horren arabera, IGak hiri arteko zerbitzuetarako direla, eta, beraz, logikoa dela aipatutako epea.