Noiz sortua: 2020-07-01 00:30:00

Agoizko lantegia itxiko du Gamesak, eta 239 langile bota

Nafarroako Gobernuak «ezinegon handia» adierazi du, eta «aukera guztiak aztertzeko» prest agertu da

Berria -

2020ko uztailak 1

IRUÑEA. Siemens Gamesak erabaki du Agoitzen (Nafarroa) duen lantegia ixtea: 239 langile egotziko ditu, enpresak atzo iluntzean jakinarazi zuenez. Nafarroako Gobernuak «ezinegon handia» adierazi zuen erabakiarekin, eta iragarri zuen Espainiako Gobernuarekin harremanetan jarri dela, «aukera guztiak aztertzeko, interes orokorraren ikuspegitik».

Bere lantegiak «berregituratzen» aritu da Siemens Gamesa azken urteetan, arazo ekonomikoak bideratu nahian. Agoizko lantegian haize sorgailuetarako palak egiten dituzte, baina konpainiak azaldu duenez, pala handiagoetan jarri nahi du indarra, datozen urteetan eskaera handiagoa izango dutelakoan. Gainera, portu hurbilenetik (Bilbokotik) 200 kilometrora dago lantegia, urrunegi enpresarentzat: «Munduko merkatu eolikoaren baldintzetara egokitu behar du Siemens Gamesak, lehiakortasun handikoa baita; prezioen gaineko presioak hondatu egin ditu aerosorgailu egileen margena».

Hain zuzen, Agoizko langileek kezkaz hartu zuten konpainiak iazko urrian Alemaniako Senvion enpresa erosi izana. Kiebran zegoen Senvion, baina pala fabrika bat zeukan Portugalen, Siemens Gamesak orain egin nahi dituen pala handiagoen fabrikazioa har dezakeena, kostu merkeagoekin. Sei hilerako lana aurreikusia zuen urrian Agoizko lantegiak, eta hori amaitzean iritsi da ixteko erabakia. Datozen egunotan hasiko dira sindikatuekin baldintzak negoziatzen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Ordizian Barrena parkearen goiko aldean, osasun etxearen alboan jarri duten gunea. / ©Jon Ruiz

Ordizia, Etxezarreta kaleko zerbitzarien emaitzen zain

Jon Ordoñez Garmendia

Ekainaren 27az geroztik Etxezarreta kaleko ostatuetan ibili direnei PCR probak egiteko eskatu die Osakidetzak, badaezpada, eta ilara luzea sortu da horretarako jarritako gunean. Ordiziako Udalak bertan behera utzi ditu gaur hastekoak ziren udalekuak, eta Ordiziako EH Bilduk, kanpaina.

Herritar batzuk PCR proba egiten, Ordizian ©Jon Urbe / Foku

Hego Euskal Herriko herritarren %4,3k izan dute COVID-19a

Irati Urdalleta Lete

Seroprebalentzia azterketaren emaitzen arabera, ia 124.000 pertsona kutsatu dira Hego Euskal Herrian.

Maskara sorta salgai ©Marisol Ramirez / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna