Fassbinderren atzera begirakoa, Tabakaleran

Rainer Werner Fassbinder.
Rainer Werner Fassbinder. BERRIA

Berria -

2019ko irailak 18
ZINEMA. Donostiako Tabakalerak Rainer Werner Fassbinder zinemagile alemaniarraren obra emango du, urrian hasi eta 2020ko ekainera bitartean. 35 film luze, bi film labur eta telebistarako zuzendu zituen bi telesail proiektatuko dituzte. Josemi Beltran Donostia Kulturako zinema unitateko buruak aipatu duenez, «aukera paregabea da zuzendari ezeroso hau sakontasunez ezagutzeko. Haren obra gaurkotasunez betea dagoela uste dugu». Zinemagilearekin modu batean edo bestean lotuta dauden beste hamazazpi film ere emango dituzte.

Ziklo horren aurretik, berriz, urrian hasi eta abendura arte, Yannick Bellon eta Angela Schanelecen obra ezagutzeko aukera emango du Tabakalerako zinema programazioak. Bellock lapurtarra (Miarritze, 1924) joan den ekainean zendu zen, eta bere ibilbidean gizarte gaien inguruko kezkak erakutsi zituen beti. Schanelec alemaniarrak, berriz, zuzendari onenaren Zilarrezko Hartza lortu zuen azken Berlinalen, Ich war zuhause, aber filmarekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna