Kongon 150 lagun desagertu dira ontzi bat urperatuta

KINSHASA. Felix Tshisekedi Kongoko Errepublika Demokratikoko presidenteak atzo jakinarazi zuen 150 lagun desagertuta zeudela Kivu aintziran, astelehenean ontzi bat hondoratu ondoren. Atzora arte 37 bidaiari erreskatatu zituzten onik, eta hiru hilotz atera zituzten aintziratik. Gobernuko iturriek esan zuten ontziak pertsona gehiegi zeramatzalako gertatu zela istripua.