Txinak Wuhango itxialdia kenduko du apirilaren 8an

PEKIN. Txinako Wuhan hiriko biztanleek hiritik kanpora irteteko aukera izango dute apirilaren 8tik aurrera. Txinako Gobernuak hirian ezarri zuen itxialdia bertan behera utziko du egun horretan. Han agertu ziren koronabirusak kutsatutako lehen gaixoak, eta, ordutik, COVID-19 gaitza munduko 194 herrialdetara hedatu da. Pekinek urtarrilaren 23an ezarri zuen konfinamendua hirian, eta hilabete beranduago lortu zuen birusaren hedatzea mugatzen hastea.