Argentina eta Espainia, finalerdietara

Luis Scola, saskiratzear, atzo.
Luis Scola, saskiratzear, atzo. EFE

Berria -

2019ko irailak 11
SASKIBALOIA. Argentina eta Espainia Txinako Munduko Txapelketako finalerdietarako sailkatu ziren atzo, Serbia (97-87) eta Polonia (90-78) kanporatuta, hurrenez hurren. Argentinarrek eta espainiarrek gaur jakingo dute noren aurka ariko diren finalerdietan. Aurrenekoek AEBen eta Frantziaren arteko final-laurdenaren irabazlea izango dute aurkari, eta bigarrenek Australiaren eta Txekiar Errepublikaren artekoarena. Estatubatuarrek eta frantziarrek 13:00etan jokatuko dute, eta australiarrek eta txekiarrek 15:00etan.

Argentinarren garaipenean erabakigarriak izan ziren Facundo Campazzo eta Luis Scola: aurrenekoak hemezortzi puntu sartu zituen, eta hamabi asistentzia eman; bigarrenak, berriz, 20 puntu lortu zituen. Serbian, berriz, apal aritu zen Nikola Jokic: hamasei puntu eta hamar errebote. Partida azken laurdenean erabaki zen, hirugarren laurdenaren amaieran puntu bakarragatik baitzen aurretik Argentina.

Estutasun gutxiago izan zituen Espainiak. Ricky Rubio izan zen onena: hemeretzi puntu, bederatzi asistentzia eta bost errebote. Rudy Fernandez eta Hernangomez anaiak ere nabarmendu ziren.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna