MADRIL. Altsasuko (Nafarroa) Koxka tabernan 2016ko urrian izandako liskarrengatik zigortutako gazteetako biri hirugarren gradua ezarriko diete, hainbat hedabidek atzo iluntzean jakinarazi zutenez. Iñaki Abadi eta Aratz Urrizolari aldatuko diete gradua; hain justu, espetxe zigor txikiena betetzen ari diren biei: hiru urte eta erdiko kondena jarri zioten Abadi, eta lau urte eta bi hilabetekoa Urrizolari. Ia bi urte daramate kartzelan; egun Zaballan daude (Araba). Beste bost gazteak7,5 eta 9,5 urte arteko zigorrak betetzen ari dira.
Espetxetik atera ahal izatea dakar hirugarren graduak, baina ikusteko dago nola aplikatzen zaien Abadi eta Urrizolari. Izan ere, komunikabide batzuen arabera, ahoz jaso dute gazteek jakinarazpena, eta, gradu aldaketarekin batera, adierazi diete agian ostiralean atera ahal izango direla kartzelatik.
Altsasuko zazpi gazteetatik biri hirugarren gradua eman diete
Iñaki Abadi eta Aratz Urrizolari aldatu diete gradua; hainbat iturriren arabera, baliteke etzi itzultzea herrira.
Iruzkinak
Ez dago iruzkinik
Ordenatu