Alonso Ruizpalacios eta Hong Sang Soo, Berlinaleko lehen izenen artean

ZINEMA. Berlinalek bi kolpetan egingo du aurtengo jaialdia: martxoaren 1etik 5era, modu birtualean, sektorearentzat eta prentsarentzat; uztailean, berriz, modu irekian, publiko zabalarentzat. Hamabost lan izango dira sail ofizialean, ohi baino bost gutxiago, eta horien artean izango dira Alonso Ruizpalaciosen Una película de policías, Daniel Bruhlen Nebenan eta Hong Sang Sooren Introduction. Xavier Beauvoisen, Dominik Grafen, Maria Schraderren, Ryusuke Hamaguchiren eta Celine Sciannaren film berrienak ere erakutsiko dituzte.