Elezkanok aitortu du min hartuta egon ostean lehiaketako erritmoa falta zaiola

PILOTA. Danel Elezkanok bi aste egin ditu jokatu gabe, eskuin orkatilako minez, baina osatu da, eta, Jose Javier Zabaleta lagun duela, Joseba Ezkurdia eta David Merinoren aurka jokatuko du etzi, Labriten. Zaratamoko (Bizkaia) aurrelariak atzo pilota aukeraketan aitortu zuen min hartuta egon ondoren «lehiaketako erritmoa» falta zaiola, baina azken egunetan izan dituen sentsazioak «onak» izan direla.