Zezenketak amaitzeko eskatu dute Donostian

DONOSTIA. Gipuzkoako Plataforma Antitaurinoak deituta, herrialdean zezenketak amai daitezen galdegiteko manifestazioa egin zuten ehunka lagunek atzo arratsaldean, Donostian. Hainbat elkarte animalista eta naturistatako eta eragile politikotako ordezkariek deitu zuten mobilizaziora. Plataformak deitutako lehen mobilizazioa izan zen, Donostiako Aste Nagusian zezenketak egingo baitira, Illunben. Bulebarretik abiatu zen manifestazioa, 18:00etan. Donostiako zezenketen aurka ez ezik, Gipuzkoako beste udalerri batzuetan izango direnen aurka ere mobilizatzeko asmoa dute plataformakoek.