Miribillak ia gainezka egin du Gernika ikusteko

SASKIBALOIA. Lointek Gernika Bizkaiak partida irabazteaz gain beste helburu bat zuen atzoko partidan, emakumezkoen euskal talde batek inoiz izan duen ikusle kopururik handiena biltzea baitzuen helburu, Bilboko Miribillan. Bada, helburu bikoitza bete zuen: 5.562 ikusle bildu zituen, eta erraz irabazi zion Mann Filter taldeari, 78-58, Espainiako Ohorezko Mailako hamabosgarren jardunaldian. Haien ondotik jokatu zuen Bilbo Basketek ACB ligako partida, Estudiantesen aurka, eta Bizkaiko saskibaloiaren festa borobildu zuen (87-80).

Ohorezko Mailako beste bi euskal taldeek ere atzo jokatutuzten haien partidak. RPK Araski arabarrek mendean hartu zuten Cadi la Seu, 64-59. IDK Gipuzkoak, berriz, 80-72 irabazi zion Al-Qazeresi. ACB ligan, gaur ariko da Baskonia, 12:30an, Manresaren aurka.