BERTSOLARITZA. Arabako Bertsolari Txapelketako hirugarren eta azken final-laurdena jokatu zuten atzo, Aramaion, Andere Arriolabengoak, Beñat Garaiok, Manu Bendalak, Peru Abarrategik, Unai Andak eta Xabi Igoak. Sei bertsolarietatik Igoak lortu zuen puntu gehien 237,5, eta haren atzetik sailkatu ziren Arriolabengoa (231), Abarrategi (224,5), Garaio (211,5), Anda (204) eta Bendala (203).
Hemezortzi bertsolari aritu dira kantuan lehen fasean, eta, hiru final-laurdenak aintzat hartuta, hauek dira hurrengo fasera igaro diren hamabiak: Iñaki Viñaspre, Manex Agirre, Oihane Perea, Xabier Igoa, Aroa Arrizurieta, Andere Arriolabengoa, Paula Amilburu, Peru Abarrategi, Rikardo Gonzalez de Durana, Aitor Ugarte, Serapio Lopez eta Beñat Garaio.
Legution (martxoak 9) eta Dulantzin (martxoak 16) jokatuko dira finalerdiak, eta saio horietako sailkapenaren arabera jakingo da zein sei bertsolari ariko diren kantuan Gasteizko finalean, martxoaren 30ean.
Igoa nagusitu da Aramaion, azken final-laurdenean
Iruzkinak
Ez dago iruzkinik
Ordenatu