Oier Ariznabarretak irabazi du Espainiako Kopa

Durangoko korrikalariak garaipena lortu du kopako azken proban, Zumaiako Flysch Trail maratoian

Berria -

2019ko ekainak 25

ZUMAIA. Txikituta, denak emanda eta erdi zorabiatuta iritsi zen Oier Ariznabarreta durangarra Zumaia Flysch Traileko helmugara (Gipuzkoa). Mendi lasterketetako Espainiako Kopa zegoen jokoan herenegungo lehiaketan, kopako azken lasterketan —bost proba jokatu dira Zumaiakoaren aurretik—.

Maratoiaren irteeran, izen bakarra denen ahotan: Oier Ariznabarreta. Urte hasieran ez zuen helburu Espainiako Kopa, baina lehenik Kanpezun (Araba) eta gero Otañesen (Kantabria, Espainia) lortutako garaipenen puntuekin, egutegia aldatu zuen. Hiru lasterketa besterik ez zen gelditzen, baina bi garaipenekin nahiko bideratuta zuen sailkapena. Orain dela hamar egun La Sagran (Granada, Espainia) lortutako laugarren postuarekin, Zumaian lehen hiruren artean sartzea nahikoa zuen Espainiako Kopa irabazteko.

Beste behin, ez zuen hutsik egin. Maratoiko (42 kilometro, +2.250 metro) 200 parte hartzaileak ilaran jarri zituen lehen metrotik. Parte hartzaileen artean nabarmentzekoak ziren Hassan Ait Chau —Tolosaldeko Hiru Tontorrak irabazi zuen astebete lehenago—, Ismail Razga eta oraindik ere Espainiako Kopako txapeldun izan zitezkeen Asier Larruzea euskal selekzioko korrikalaria, Antonio Herrera andaluziarra eta Santiago Mezquita gaztelarra.

Arantzako lehen kontrol gunetik (8,7 kilometroa) Elorrixako (34,5 kilometroa) denbora kontrolera arte sei minutuko tartea zabaldu zuen Ariznabarretak. Handik helmugara eutsi egin zion aldeari. Helmugan 3 ordu, 34 minutu eta 47 segundo behar izan zituen irabazteko. Hassan Ait Chau (3.43.12) izan zen bigarrena, eta Ismail Razga hirugarrena (3.49.25).

Helmuga igaro orduko, lurrean etzanda gelditu zen. Berrogei minutu behar izan zituen bere onera etortzeko: «Oso-oso pozik nago emaitzarekin, baina txikituta amaitu dut. Oraindik ere ez dakit nola iritsi naizen helmugara. Inoiz baino ur gehiago edan dudan arren, desidratazio handiarekin iritsi naiz amaierara».

Emakumeetan, nabarmentzekoa da Oihana Kortazarrek Zumaia Flysch Trailen lortutako garaipena (4.10.58). Elgetako (Gipuzkoa) korrikalariak hamabosgarren postua eskuratu zuen sailkapen nagusian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Jaka eta Altuna, pilota aukeraketan. ©Gorka Rubio / Foku

Txapela, sentimenen gainetik

Julen Etxeberria

Jokin Altunak eta Erik Jakak buruz buruko finala jokatuko dute gaur, Bilbon. Lagun minak dira, baina kantxan alde batean utziko dute euren adiskidantza, saririk handiena baitute jokoan
Ante Budimir Osasunako aurrelaria. ©Jesus Diges / EFE

Dorreen jiran eraikia

Eñaut Agirrebengoa

Osasunak aurrelari garaien alde egin du apustu, eta, horren ondorioz, bestela jokatzeari ekin dio. Esentzia berbera da, baina joko zuzenak garrantzi handiagoa du orain, 4-4-2 sistemaren barruan.

Mikel Oiartzabal, Cadizeko bi jokalari atzean utzi nahian. ©ROMAN RIOS / EFE

Utikan kasualitateak

Jon Ander De la Hoz

Realak eta Athleticek urratsak egiten segitu nahi dute, Vila-real eta Getafe azpiratuta. Txuri-urdinek aurkari zuzena dute Unai Emerik gidatutako taldea; hirugarren da ligan. Eibarrek Betis du kontrario

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna