ESKUBALOIA. Bera Berak erronka handia du gaur Parisen: Europako Ligako bigarren kanporaketako joanekoa jokatuko du Paris 92ren aurka (16:00). Joaneko partidan, Donostian, 27na berdindu zuten bi taldeek. Beraz, gipuzkoarrek irabazi edo 27 gol baino gehiago sartuta berdindu beharra daukate sailkatzeko. Lan zaila da hori, Frantziako taldeak etxean jokatuko baitu, eta inon indartsua baldin bada, bere zaleen aurrean baita. Baina itxaropenari eutsi nahi diote donostiarrek. Joanekoan ikusi zen ez dagoela alde handirik. Defentsan sendo eta erasoan eraginkor arituz gero, aukera izango du Bera Berak.
Donostiarrek ondo amaitu nahi dute gaizki hasitako bidaia. Izan ere, berandu iritsi ziren atzo Parisera. Goizean Miarritzen (Lapurdi) hartu behar zuten hegazkina, baina ez zen atera, eta arratsaldera arte egon behar izan zuten zain, eta gauez ailegatu ziren Parisera.
Atzo, berriz, Anaitasunak eta Zuazok jokatu zuten Espainiako maila nagusian. Nafarrek 36-23 irabazi zioten Puente Genili, eta bizkaitarrek 29-27 galdu zuten Gijonen (Espainia).
Bera Berak ezustekoa eman nahi du Parisen
Iruzkinak
Ez dago iruzkinik
Ordenatu